المرجله ماهي حفظك لبيزتك... ولاهي تفرعن باالحكي وفزة عقال

بسم الله الرحمن الرحيم


السلام عليكم ورحمة الله وبركاته


مساكم الله باالخير

السالفه ومافيها ان جاني رساله قبل يومين من رقم غريب اتصلت عليه مارد علي وضيقت خلقي شوي وتفجرة مواهبي مع اني ماكنت اكتب بس غزل بالمعناء الاصح

المهم مالكم في الطويله


لا شان حظك والليالي تحدتك ... اصبر عليها والصبر زين لو طال
لا تنحني للوقت وتروح هيبتك ... تصفق بك الايام من جال في جال
وان كان همك بلزمن بس لقمتك...الفول بريالين والخبز بريال

هاذي الرساله طبعآ والله مدري الاخ وش شايف فيني


لمهم لكم الرد

اليا اعترض مقرود في يوم سكتك ... من الفضاوه جالس وسط فوال
قله حبيبي الله يحفظك ليمتك ... وتابع اعلانات عبر مع الجوال
ياليتها موبايلي بس فادتك ... هم خيروك بعالمن فيه تختال
مير القراده لي بذا الليل ساقتك...لنت بولد عمن ولنت بولد خال
وياخاطري داام المسجات حستك...من واحدن ضيقك ساقه لك الفال
ياخطري ببرد شوي حرتك...مدام مجهول ارسل وضيق البال
ياخاطري مني استمع وش مسرتك... بعطيه اول درس بتاديب جهال
المرجله ماهيب حفظك لبيزتك ...ولا هي تفرعن باالحكي وفزة عقال
المرجله ماهيب رصيدك بقيمتك... ولاهي مظاهر سكبه وشكل تمثال
المرجله في غبتك وقت حاجتك ...لا حدتك دنياك وفيك الدهر مال
وصارت همومك حمل من فوق طاقتك...كنك علي اكتافك محمل لك جبال
تلقا صبين دون تطلبه فزعتك ...لا مايحسب قيمة جنيه وريال
لا مانتظر جيتك تنخاه طلبتك...ياخوك ابي فزعتك من شين الاحوال
لوروحه بيمناه كفه لك اهدتك... من قبل لا تسكب من الكيف فنجال
وليا قريت الرد تترك لقافتك... وتطلع من الفوال وتصير رجال


وسلامتكم


طبعآ انتظر ردوكم وانا جاهز لي ملا حظه

تقبلو تحياااااااااااااتي